ఘోర రోడ్డు ప్రమాదం..నలుగురు దుర్మరణం..!

మహబూబాబాద్ జిల్లాలో ఈ విషాద సంఘటన చోటు చేసుకుంది. దైవదర్శనానికి వెళ్ళిన ఓ కుటుంబానికి తీరని దుఃఖం మిగిలింది.. దర్శనం అనంతరం తిరుగు ప్రయాణంలో తిరిగిరాని లోకాలకు వెళ్లిపోయారు ఆ కుటుంబ సభ్యులు. ఒకే కుటుంబానికి చెందిన నలుగురు అక్కడికక్కడే మృతి చెందారు.మరో ముగ్గురు మృత్యువుతో పోరాడుతూ చికిత్స పొందుతున్నారు.

మహబూబాబాద్ మండలం కంబాలపల్లి శివారులో ఈ ప్రమాదం చోటుచేసుకుంది. కారు-ఆటో ఢీ కొన్నాయి. ఈ ప్రమాదంలో ఇద్దరు పిల్లలతో సహా నలుగురు అక్కడికక్కడే మృతి చెందగా.. మరో ఏడుగురికి తీవ్ర గాయాలయ్యాయి. వారిలో ఇద్దరి పరిస్థితి విషమంగా ఉన్నట్లు తెలుస్తోంది..మృతదేహాలను, క్షతగాత్రులను మహబూబాబాద్ జిల్లా ఆస్పత్రికి తరలించారు. ఆస్పత్రి ప్రాంగణమంతా కుటుంబ సభ్యుల రోధనలతో కన్నీళ్ళ పర్యంతం అయింది.

ఈ ప్రమాదంలో మృతిచెందిన నలుగురు ఓకే కుటుంబానికి చెందిన కాగా,వారిలో తల్లి, కొడుకు, మనుమడు , మనవరాలు ఉన్నట్లు తెలుస్తోంది.వీరంతా గూడూరు మండలం చిన్నఎల్లాపూర్ గ్రామానికి చెందినవారుగా గుర్తించారు పోలీసులు.మృతులు ఇస్లావత్ శ్రీను, అతని తల్లి, పాప అతని కొడుకు బాలుడు రిత్విక్, కూతురు రిత్వికగా గుర్తించారు పోలీసులు. నాగార్జునసాగర్ సమీపంలోని బుడియా బాపు దేవుడిని సందర్శించుకుని ఆటోలో ఇంటికి తిరిగి వస్తుండగా ప్రమాదం జరిగింది. గుంజేడులోని ముసలమ్మ దేవతను సందర్శించుకుని మహబూబాబాద్‎కు వస్తున్న కారు-వీరు ప్రయాణిస్తున్న ఆటోను ఢీ కొనడంతో ప్రమాదం సంబవించింది. సమయానికి కారులోని ఎయిర్ బెలూన్లు ఓపెన్ అవడంతో కారులో ఉన్నవారికి గాయాలు అయ్యాయి.